日本之旅@2008~DAY 7

     DAY 7 大阪~~難波-->道頓堀-->心齋橋-->美國村-->動物園前

 
坐完約８個鐘嘅通宵巴士後，第二朝早上就到達大阪站。
其實如果大家唔怕辛苦少少，呢個都不失為一個慳錢同慳住宿費的方法
落車後，就即刻去酒店放低行李。
我住喺動物園前的來山南館，住宿費超平（約＄１６０一晚），
清潔程度同位置，我都好滿意。
它有一個獨立沖洗室和一個大澡堂，但由第一晚開始我就見到ｄ人不斷排獨立沖洗室，
所以基本上我晚晚都係去沖澡堂。
哈哈，不過對我嚟講，真係一個好嶄新嘅經驗　因為．．．
佢地規定左一定要除晒衫先準入去，真係好尷尬！
嗰一刻，我真係暗自有ｄ慶幸自己係一個人嚟（哈哈～唔好怪我呀，ｈｅｌｅｎ）

整頓好後，我就向道頓堀出發。
哈哈～～唔知大家知唔知呢，我超鍾意食蟹！！！（特別係蟹拑）
所以，以下呢間鋪頭，簡直係我ｏ既最愛！！！！！
由頭盤到最後一個菜都係用蟹整，蟹刺身，天婦羅蟹，蟹飯，蟹肉的茶碗蒸，
總之就係蟹蟹蟹蟹蟹蟹蟹啦！！開心死我，哈哈哈！快ｄ睇相啦～（下次必食！）

 

食完之後，諗住周圍行下
可惜天不造美，竟然落起雨嚟，仲要係超大嗰隻
不過，真係一Ｄ都冇影響我嘅心情，周圍怒影相
佢地Ｄ鋪頭，真係好有特色，有好多好有趣的公仔同擺設
而且有好濃厚的傳統文化特色，真係好賞心悅目。
   
到左傍晚時份，我就去左＜道頓堀商業街＞
唔知點解，我真係好好彩，去到門口嘅時候
它突然做緊無料（免費）入場，注定我可以慳到＄
佢係仿照昭和時代而建成的食物同表演的中心
裡面佈置好懷舊好有氣氛，好多小食而且又有舞台劇睇，都幾搞笑。
睇完之後，就趕住番酒店沖涼，第一日喺大阪的旅程就完絡ｌｕ．．
 

日本之旅@2008~DAY ６

DAY ６ 東京~~新宿-->上野－－＞淺草－－＞大阪

今日就係我同HELEN二人之行的最後一日．．
一早起身，我就已經有ｄ唔捨得佢
今次係我第一次同朋友仔一齊去旅行．
同佢去嘅感覺真係好好呀～～
由於今日係最後一日的關係，
指定動作當然係去買手信俾香港嘅朋友仔
一早去左車站放低行李後
我地就去左上野買手信
因為之後要去大阪的關係，我喺呢度買得好少野
（呢度．．係成個旅程最多信賣同最平嘅地方囉．）
我買左好好味的樹輪蛋糕，諗住可以番去請大家食
但實在太鬆軟，不久之後開始散開，最後成為我之後幾日的早餐

之後，我地去埋行程中的最後一站－－淺草。
唔駛講梗係去雷門啦（我們兩個都係第一次去東京ｍａ）
真係人山人海，個個都趕住去拜神咁．．（哈哈，佢地又真係嘅）
沿途有長長的燈籠，仲有櫻花點綴，我同ｈｅｌｅｎ都行得好開心
之後我地就一齊去食蛋包飯
之後．．．．好快送左ｈｅｌｅｎ去ｓｕｂｗａｙ．．
望住佢Ｏ既背影，　真係好唔捨得
ｈｅｌｅｎ離開後，我就行住去等我兩個ｂａｂｉｅｓ．
行行下俾我撞到一對新人，正在坐人力車遊淺草
沿途的行人都不停對佢地講恭賀的說話，我當然冇放過呢個機會啦！！
新郎同新娘都笑得好幸福呢

我一直行行行．．希望快ｄ見到兩位ｂａｂｉｅｓ．．
到了約定時間，一直都見唔到人，就聯絡唔到佢地
我擔心自己去錯左地方，唯有再周圍行下去確認自己位置
等等下，覺得唔係好對路．．
．．．．．．
總知，最後．原來兩位ｂａｂｉｅｓ因為要買野
所以錯過左同我約好嘅時間．
點都好，總之見到佢地就好開心啦！（雖然唔知點解佢地係咁同我講日文）
我地就即刻出發去我地賞櫻之旅的目的地－－隅田公園

賞花之前，我地去左便利店買左好多零食
薯片，我最愛的布丁，仲有賞櫻必備之物－－酒（係櫻花味呢！！！）
又買左樂天熊仔朱古力蕉，
得意到ｂｏｎｎｉｅ仲一直話唔捨得食
我地喺小湖前席地而坐，花瓣一塊一塊飄落．．．
美景良朋，美酒佳餚，而且仲有大王跳舞助興，
哈哈～真係人生一大樂事！
由於本人受到聖旨，不可將相刊登於此，
（Ｐ．Ｓ．有興趣的朋友，可以ｍｓｎ　ｈｉ　我，免費ｓｅｎｄ俾大家睇，嘻嘻）

賞花過後，夜晚我就乘坐通宵巴士去大阪
開始我的一人之旅．．．

日本之旅@2008~DAY 5

出左嚟行，預左要還～～
未解決的事，等我慢慢解決。　

DAY ５ 東京~~新宿-->原宿－－＞涉谷

由於昨日去左迪迪尼的緣故，我同helen都成十點幾先從新宿出發
十一點到先到原宿，一出站就見到人山人海，有點似旺角街頭
我一向都唔係潮人，嚟到呢度當然堅持我的宗旨－－－食食食（我好似去到邊都係咁）
嚟到呢度，PANCAKE多款到令你眼花遼亂
而且我仲食到日劇中經常岡到的"KO RO tsu KE"
就喺呢間店的門口，我地見到一個由頭ＣＯＳＰＬＡＹ到尾的高達人
哈哈～～原來佢係一個美國退休的軍人，成日扮成咁喺呢邊出沒
最搞笑，番嚟睇番相先知，原來同一日裡面，我同叻叻都先後遇到呢個人囉
佢同叻叻首先喺明治神宮相遇，影左張相
然後嚟到呢面，撞到我同helen，又同我地影左張相囉
跟住我地行左好耐，但都係搵唔到我地想搵的原宿鋪頭
個個都同我地講原宿好好行．．
我諗我地應該行錯左方向
不過，我地都覺得喺一個風和日麗的下午咁散步，都好寫意。
 

晚上，我地去左涉谷，行左TOKYO HANDS　同龍貓店
冇錯．．又係龍貓．
不過，佢地真係好重視龍貓架，成間鋪頭都係佢，
嘻嘻唔駛講，我梗係發左癲啦！
呢度有我見過最大的龍貓公仔
仲有．．
一排！！係一排跳住求雨舞Ｏ既龍貓呀！！！（今年生日有人送左一隻俾我呢！！）
唔知我幾時先有晒1 SET 呢？？？
 

Timmy 慶生記@008

日本之旅@2008~DAY 4

  DAY 4 東京~~DISNEY SEA-->新宿

她約我去迪士尼--------我同helen 去左我人生第一個迪士尼
唔知點解, 總係覺得第一次俾左日本, 好過俾香港O個個
果然……..係絕對冇令我失望!!係一個充滿夢幻嘅地方．．．

歌仔唱“去迪迪尼做足準備”，我覺得helen真係呢方面嘅專家
完成知道有咩show值得去睇，有咩應該去做，有咩唔駛做．．
多得佢，先令我第一次嘅迪迪尼留下左一個美好嘅印象
Helen，多謝你呀！！

不過，我地今次嘅迪迪尼，真係做左好多壯舉！！！
1/我地由朝早９點半玩到夜晚嘅十點，簡直係開門玩到人地熄燈先肯走

2/我地睇晒人地一日裡面Offer 嘅所有shows

3/我全日由起身到走,都只係食左尋日喺築地買嘅ｏ個舊細蛋，但我一ｄ都唔覺得肚餓
4/我地喺唔知情嘅情況下玩左一個勁高嘅跳樓機

　講喺呢個，就真係一個鬼故．．．
　無論中文定英文，佢自稱自己係“驚魂古堡”,

因為我好想玩嘅緣故
　即使絕對唔玩鬼屋嘅helen，都即刻一開波陪我去攞pass

　但係竟然要夜晚７點半先可以玩．心諗：〔嘩！真係勁多人玩，一定好恐怖〕
　

夜晚７點半，我地進入左呢個古堡，
　無論從大堂佈置同工作人員服飾，都係好鬼屋FEEL

我地仲一路排隊一路商量，叫helen企我右手邊,佢驚ｏ既話可以捉住我
我地被帶到一間擺滿chair嘅密室到，仲叫我地扣好安全帶
ｏ個一刻，我地仲未意識到任何野，以為係要帶我地唔知去邊度先再玩

點知，佢突然間急速上升，一陣之後，密室度門開左
我竟然清楚見到遠處嘅台場嘅摩天輪ｏ係我ｏ既下面！！真係太高，高到離晒譜！！！！！
Ｏ個一刻，我地完全意識到佢喺一部高到嚇死人嘅跳樓機！
跟住佢就速降下，我未試過玩一個機動遊戲，
喺有地下嘅情況下，竟然全程由頭到尾掂唔到個地下ＬＡＷ！！
我當然覺得好難忘．．．
不過．．HELEN,辛苦你嘞！

5/ 夜晚番到新宿,我地去左食日本傳統嘅街頭拉麵呢!!

    一齊睇下相啦!